傑理大戰任防中角色
慈英盼展現多面性
港超聯，作客旺角場嘅傑志以三比二擊敗理文，錄得聯賽三連勝。其中正選十一人之一嘅慈英以防中姿態上陣，助球隊取勝
慈英過往主要出任閘位，對於唔同嘅角色，慈英表示佢喺今場希望展示出自己嘅多面性：「我可以喺（唔同位置）當中學習到比賽嘅唔同層面。好多人唔記得咗我只係21歲，我仲好後生，呢個都只係我踢職業嘅第二個賽季。當然佢哋可以好快對我落判斷，但我仲學習緊。我希望我仲可以踢15、16年。理想狀況係我踢到唔同位置，更多咁幫助球隊。」喺球隊訓練當中，慈英表示自己已經有出任中堅、中場等位置。
上仗對東區後備上陣嘅慈英於當時已任防中，但佢喺末端一記回傳失誤做就對手單刀，慈英解釋當時上陣為意料之外，亦因此踢得唔容易：「嗰球當然係我嘅錯，但我覺得嗰球係可以避免，因為喺比賽嘅末端我哋唔應該喺後場猜波。加上球場狀況唔好，好難踢。但我唔係搵藉口。」
雖然上仗出現失誤，但慈英就指自己非常滿意今日嘅表演：「我今日嘅表現係想證明我可以踢中場，面對聯賽最強嘅球隊都可以踢得好...當我被換出嘅時候比分仲係2比0，我幾滿意自己表演。」
連同擊敗東方及東區，傑志現時已錄得聯賽三連勝，被問到奪標嘅機會，慈英直指奪標係自佢細個到依家，傑志一直存在嘅目標：「提到香港足球，人總係會諗到傑志係最具統治力嘅球隊。呢個就係傑志應有嘅模樣。過去兩三年，其他人無以前咁畏懼傑志。但依家我哋要向香港展示傑志有幾強大，話比大家知我哋能夠主宰香港嘅每個獎盃，而呢樣嘢絕對可行。」慈英補充指邁向奪冠係一個過程，過去三年球隊陣容亦出現變化，需要時間磨合，但三連勝絕對係一個好嘅開局。
@jayhaddow
———————————————————————
Photo by @lmyphotography , Amos
Text and design by Amos
慈英盼展現多面性
港超聯，作客旺角場嘅傑志以三比二擊敗理文，錄得聯賽三連勝。其中正選十一人之一嘅慈英以防中姿態上陣，助球隊取勝
慈英過往主要出任閘位，對於唔同嘅角色，慈英表示佢喺今場希望展示出自己嘅多面性：「我可以喺（唔同位置）當中學習到比賽嘅唔同層面。好多人唔記得咗我只係21歲，我仲好後生，呢個都只係我踢職業嘅第二個賽季。當然佢哋可以好快對我落判斷，但我仲學習緊。我希望我仲可以踢15、16年。理想狀況係我踢到唔同位置，更多咁幫助球隊。」喺球隊訓練當中，慈英表示自己已經有出任中堅、中場等位置。
上仗對東區後備上陣嘅慈英於當時已任防中，但佢喺末端一記回傳失誤做就對手單刀，慈英解釋當時上陣為意料之外，亦因此踢得唔容易：「嗰球當然係我嘅錯，但我覺得嗰球係可以避免，因為喺比賽嘅末端我哋唔應該喺後場猜波。加上球場狀況唔好，好難踢。但我唔係搵藉口。」
雖然上仗出現失誤，但慈英就指自己非常滿意今日嘅表演：「我今日嘅表現係想證明我可以踢中場，面對聯賽最強嘅球隊都可以踢得好...當我被換出嘅時候比分仲係2比0，我幾滿意自己表演。」
連同擊敗東方及東區，傑志現時已錄得聯賽三連勝，被問到奪標嘅機會，慈英直指奪標係自佢細個到依家，傑志一直存在嘅目標：「提到香港足球，人總係會諗到傑志係最具統治力嘅球隊。呢個就係傑志應有嘅模樣。過去兩三年，其他人無以前咁畏懼傑志。但依家我哋要向香港展示傑志有幾強大，話比大家知我哋能夠主宰香港嘅每個獎盃，而呢樣嘢絕對可行。」慈英補充指邁向奪冠係一個過程，過去三年球隊陣容亦出現變化，需要時間磨合，但三連勝絕對係一個好嘅開局。
@jayhaddow
———————————————————————
Photo by @lmyphotography , Amos
Text and design by Amos
港超聯，傑志喺旺角大球場作客理文，上半場由肯迪同神田夢實各建一功，阿祖安喺第74分鐘再入一球，擴大優勢。即使理文末段由韋利安破門，再搏得羅梓駿「擺老烏」追近，傑志最終仍以 3:2 擊敗理文，聯賽三連勝。
#香港足球 #港超 #傑志 #理文
Instagram：Gongzuknaaphaam
Facebook : gongzuknaaphaam
Webpage：https://gongzuknaaphaam.com/
#香港足球 #港超 #傑志 #理文
Instagram：Gongzuknaaphaam
Facebook : gongzuknaaphaam
Webpage：https://gongzuknaaphaam.com/