最親密的魔鬼教練的父愛哲學
蘇來強與兒子蘇俊霖短訪
「佢將來會唔會踢波，我覺得未必係我最希望嘅嘢，我最希望係佢可以拓寬眼界。」
前港隊成員、現任教練蘇來強的兒子蘇俊霖（Johnny），前年獲邀遠赴西班牙學法。近日他趁回港期間與昔日隊友重聚，出戰「傳承足球夏令營2026」，協助球隊奪得 U14 組別亞軍。面對全新環境與高大對手，這名港產小將展現出超乎年齡的自信；而身為Johnny最親密的專屬魔鬼教練，蘇 Sir看待兒子的旅歐之路更有一套通透的教育哲學——比起做球星，更重要是讓孩子「拓寬眼界」。
西班牙生活「練多過比賽」 仍深刻體會傳控哲學
談到異國生活，Johnny 坦言今季在西維爾的Club Atlético Central正式比賽機會較少，主要時間都花在訓練與適應上：「上年轉咗去西維爾呢個地方，但係就淨係練波，好少踢正式比賽。」 雖然實戰機會不多，加上要透過補習老師學習西班牙文，但他仍努力適應當地的生活節奏與訓練強度。但面對高大的歐洲球員，Johnny 直言「唔係特別難對付」，反而最大的衝擊來自戰術體系：「球會教練要求我哋組織，但因為有時啲隊友技術一般，所以有時我都想扭波，但係教練就話要多啲傳波。」哪怕今季比賽上陣時間較少，從個人盤扭轉為注重團隊傳控與戰術紀律的訓練過程，已足夠讓 Johnny 開始學習以更高層次的視野理解足球。
突破香港升學困境：眼界比成就更重要
看著兒子遠行，蘇 Sir 直言在香港踢波的天花板不高，更點出本地青訓痛點：「香港好多年輕人好有天分，但去到中學或考 DSE 上大學，選擇上未必會再繼續踢波，好容易流失精英。」 送 Johnny 出去，正正是想打破這個框框。不過，蘇 Sir 並沒有給兒子套上任何職業枷鎖：「希望佢可以拓寬眼界，感受人哋嘅文化同足球。至於佢將來會唔會踢波呢，我覺得未必係我最希望嘅嘢。」蘇 Sir 非常清楚外國球會存在本土保護主義，晉升不易，因此他也給予 Johnny 足夠時間去嘗試與探索，在成長的路上決定自己想在西班牙繼續發展還是回流香港爭取機會。
文、攝： @fujimountxssg
設： @makdiklong
————————————————
Instagram：Gongzuknaaphaam
Facebook : gongzuknaaphaam
Webpage：https://gongzuknaaphaam.com/
設： @makdiklong
————————————————
Instagram：Gongzuknaaphaam
Facebook : gongzuknaaphaam
Webpage：https://gongzuknaaphaam.com/