升班馬東區盼栽培新一代球迷 會長林世雄談「死場返生」之道
今季港超聯曲終人散，當中升班馬東區除了殺入足總盃決賽，其主場平均入場人數亦令人喜出望外：9場主場比賽平均錄得1,040人入場，在10支港超球隊中排第三，當中更有兩場比賽超過2千人入場。東區體育會名譽會長林世雄指，球會未升上超聯時，已有聲音形容小西灣運動場是「死場」，惟球會嘗試在球迷體驗、交通配套等不同層面做多一步，希望栽培新一代球迷入場，更訂下下季主場總入場人數要破萬的目標。
場外諗花臣 盼球賽成地區盛事
東區今季在主場賽事與不少本地品牌合作，例如雞蛋仔、手工啤等，亦在場內添設充氣遊樂場，讓小朋友免費遊玩。「我成日覺得足球賽事唔單止90分鐘入面嗰22個球員。周圍嘅氣氛、配套，其實係我哋希望喺比賽以外可以提供畀觀眾，吸引佢哋入場。」
林世雄希望球會能吸引一家大小進場，令「睇波變成一整日嘅活動」，例如上午可以到東區附近的景點遊覽和購物，下午睇波再接着吃晚飯。他表示球會一直與東區商舖接洽，希望為球迷提供購物優惠，一方面令球賽變為地區盛事，同時亦能提振地區經濟。
”Football without fans is nothing”
林世雄認為，要營造主場氣氛，一定要令入場體驗比起在電視觀看直播更吸引，「好似頭先睇到大埔球迷同東區球迷各坐一邊，個波我哋唔入，另一邊就起哄，呢個係球迷只可以喺入場先得到嘅刺激感，而係電視得唔到。」
他引用前些路迪領隊Jock Stein的名言：“Football without fans is nothing.” 他表示要建立忠實球迷，並不只是兩三年的努力，而是要有更長遠的目光：「如果要栽培新一代球迷，要由細路仔開始。可能你細個陪爺爺嫲嫲睇粵劇，從來唔知係咩；但去到劇場有嘢食，enjoy到，可能就係一個元素，令你幾十年後都可以回憶返。如果小朋友自細就培養到（入場習慣），第時入球場機會就大好多。」
打破「死場」限制
「我哋未升上港超前，有人同我講呢個係死場。」別人眼中的「死場」，對林世雄而言卻有獨特魅力，「香港大部份球場都仲係單邊看台，反而小西灣唔係；如果喺對面睇波會有另一番景象，例如可以睇到後備席嘅球員，呢個係好多地區球場做唔到。」
地理位置仍然是最令球迷卻步的因素：小西灣運動場是10個港超主場中，唯一沒有港鐵直達的球場，公共交通除了開往小西灣的巴士，就必須在鄰近港鐵站轉乘小巴。曾擔任運輸及物流局局長的林世雄，就發揮自身經驗，嘗試打破限制，與巴士公司安排118R路線直達旺角：「我哋首次同巴士公司組織時，球迷有驚喜，因為覺得東區都叻喎。喺交通配套上方便到球迷，我哋都會繼續去做。」他表示，除了巴士公司，亦有和其他交通營運商緊密配合，惟亦坦言巴士公司要從實際營運角度考慮，「如果得三、二百球迷，都唔好意思同佢哋傾。」
盼來季有更多驚喜
今季最受球迷歡迎的雞蛋仔店，在最後幾場主場沒有繼續擺檔，林世雄指未掌握實際原因，但球隊會繼續檢視情況，希望除了雞蛋仔，會引入其他地道小店美食，吸引球迷進場。
————————————————
📍
#香港足球 #港超聯 #足總盃 #東區
Instagram：Gongzuknaaphaam
Facebook : gongzuknaaphaam
Webpage：https://gongzuknaaphaam.com/
今季港超聯曲終人散，當中升班馬東區除了殺入足總盃決賽，其主場平均入場人數亦令人喜出望外：9場主場比賽平均錄得1,040人入場，在10支港超球隊中排第三，當中更有兩場比賽超過2千人入場。東區體育會名譽會長林世雄指，球會未升上超聯時，已有聲音形容小西灣運動場是「死場」，惟球會嘗試在球迷體驗、交通配套等不同層面做多一步，希望栽培新一代球迷入場，更訂下下季主場總入場人數要破萬的目標。
場外諗花臣 盼球賽成地區盛事
東區今季在主場賽事與不少本地品牌合作，例如雞蛋仔、手工啤等，亦在場內添設充氣遊樂場，讓小朋友免費遊玩。「我成日覺得足球賽事唔單止90分鐘入面嗰22個球員。周圍嘅氣氛、配套，其實係我哋希望喺比賽以外可以提供畀觀眾，吸引佢哋入場。」
林世雄希望球會能吸引一家大小進場，令「睇波變成一整日嘅活動」，例如上午可以到東區附近的景點遊覽和購物，下午睇波再接着吃晚飯。他表示球會一直與東區商舖接洽，希望為球迷提供購物優惠，一方面令球賽變為地區盛事，同時亦能提振地區經濟。
”Football without fans is nothing”
林世雄認為，要營造主場氣氛，一定要令入場體驗比起在電視觀看直播更吸引，「好似頭先睇到大埔球迷同東區球迷各坐一邊，個波我哋唔入，另一邊就起哄，呢個係球迷只可以喺入場先得到嘅刺激感，而係電視得唔到。」
他引用前些路迪領隊Jock Stein的名言：“Football without fans is nothing.” 他表示要建立忠實球迷，並不只是兩三年的努力，而是要有更長遠的目光：「如果要栽培新一代球迷，要由細路仔開始。可能你細個陪爺爺嫲嫲睇粵劇，從來唔知係咩；但去到劇場有嘢食，enjoy到，可能就係一個元素，令你幾十年後都可以回憶返。如果小朋友自細就培養到（入場習慣），第時入球場機會就大好多。」
打破「死場」限制
「我哋未升上港超前，有人同我講呢個係死場。」別人眼中的「死場」，對林世雄而言卻有獨特魅力，「香港大部份球場都仲係單邊看台，反而小西灣唔係；如果喺對面睇波會有另一番景象，例如可以睇到後備席嘅球員，呢個係好多地區球場做唔到。」
地理位置仍然是最令球迷卻步的因素：小西灣運動場是10個港超主場中，唯一沒有港鐵直達的球場，公共交通除了開往小西灣的巴士，就必須在鄰近港鐵站轉乘小巴。曾擔任運輸及物流局局長的林世雄，就發揮自身經驗，嘗試打破限制，與巴士公司安排118R路線直達旺角：「我哋首次同巴士公司組織時，球迷有驚喜，因為覺得東區都叻喎。喺交通配套上方便到球迷，我哋都會繼續去做。」他表示，除了巴士公司，亦有和其他交通營運商緊密配合，惟亦坦言巴士公司要從實際營運角度考慮，「如果得三、二百球迷，都唔好意思同佢哋傾。」
盼來季有更多驚喜
今季最受球迷歡迎的雞蛋仔店，在最後幾場主場沒有繼續擺檔，林世雄指未掌握實際原因，但球隊會繼續檢視情況，希望除了雞蛋仔，會引入其他地道小店美食，吸引球迷進場。
————————————————
📍
#香港足球 #港超聯 #足總盃 #東區
Instagram：Gongzuknaaphaam
Facebook : gongzuknaaphaam
Webpage：https://gongzuknaaphaam.com/