致旅途上的我
專訪東區斯里蘭卡國腳華仙
如果只看外表，你可能以為華仙是一位典型的南亞球員——效力過印度次級聯賽、斯里蘭卡國腳、亞洲足球圈熟悉的面孔。但華仙的故事不只是如此。他出生於德國柏林，在當地接受青訓，甚至曾入選德國U隊。他的足球旅程，從第一天開始就已經跨越文化、身份與期望。
在一個典型南亞家庭長大，足球並不是一條被鼓勵的道路，「當你嚟自一個保守嘅典型南亞家庭，佢哋會將焦點擺喺學業。對於足球佢哋成日話：『你唔好去禾夫斯堡踢波，唔好去賀芬咸、唔好去漢堡。』」當時，華仙在中學時曾被漢堡青訓教練、現任加納教練OttoAddo賞識，「佢同我講：『你一定要嚟，唔好諗咁多！』」但未成年下，華仙仍需要家人的同意，結果球會的一通電話讓家人發現一切，這段可能改變人生的機會就此消失。
去不成漢堡，華仙選擇了柏林聯。作為西柏林長大的孩子，他走進了很少移民會踏足的東邊：「好少移民會前往東德或者東柏林，但我就覺得『冇問題，我會做到嘅！』，之後就合埋對眼走去柏林聯。」憶述當時，華仙指自己是柏林聯青訓當中，第一個深膚色的年輕人。
在德國足球的技術環境中，他一步步向上爬——從青訓到二隊，再到跟一隊操練。終於在完成學業後與球隊簽約，但開季前最後一場比賽，華仙卻遇上前十字韌帶撕裂，需要休養十個月。傷癒後終於在作客卡爾斯魯的比賽中後備上陣，迎來德乙處子戰：「我絕對唔會忘記嗰個瞬間，大傷完之後我好緊張。」說着這句的時候，華仙臉上洋溢着驕傲的微笑。
但ACL並不是唯一一次傷患上的打擊，「以往我為德國U17效力，喺德國U17世界盃前2至3個星期前，我因為肩膀受傷而落選咗。」到2017年，在德國為品牌拍攝硬相時再度意外受傷，亦因而錯失加盟英甲巴拉福特的機會。
命運彷似在一次次地跟華仙開玩笑，每一次他向上攀升，傷患就將他拉回原點。被問到曾否覺得自己運氣不好，華仙淡然講到：「依家我咩都改變唔到，但我對於呢個旅程嘅經歷好感恩。」
離開德國後，他開始走上一條更遠的路——不是向上，而是向外。加入斯里蘭卡國家隊，成為第一批海外歸化的球員之一。當地球迷稱華仙為「教父（Godfather）」，甚至有人叫他「斯里蘭卡馬勒當拿」。但相比名號，他更在意的是能否把經驗傳給後輩：「我可以將經驗分享比我國家隊隊友，例如係依家效力德乙嘅甘馬堅希（Claudio Kammerknecht），佢會嚟問我攞意見，點樣處理特定狀況。之所以係咁，係因為我已經經歷過呢啲嘢。」
華仙曾經在對陣馬爾代夫的比賽中28分鐘內連入四球，帶領球隊從0:4中逼和對手。到最近亞洲盃外圍賽，斯里蘭卡更擊敗中華台北、土庫曼，作客泰國時僅以一球落敗。
「有唔少人認為我哋呢組係最難打嘅組別之一，當你比較10年前同依家嘅斯里蘭卡，我哋依家開始有競爭性。尤其當我哋只係以一球唔好彩嘅波輸比泰國，我哋嘅心態已經唔在一樣，我哋唔再驚任何人。」
從德國聯賽到印度落班，再到香港，有人會問：球員從歐洲到亞洲，是不是倒退？華仙交出一個直接的答案：「呢個好視乎每個球員嘅諗法，但對我嚟講，足球員生涯最多踢大約15年。喺呢15年，你可以決定係咪要以踢英超或者搵大錢為目標，或者環遊世界去接觸新文化同經驗。以我嘅故事嚟講，踏入亞洲絕對係一個好嘅決定。」
2023年，他來到香港加盟東區。途中雖然曾有港超邀約，但當聽到足球部主任高志超帶領東區升上港超的計劃，便決定留隊繼續前進。球隊升超後，華仙亦辭去原有教職，全職投入足球。
東區作為升班馬，14場僅失9球，是聯賽唯一失球為單數的球隊：「睇緊港超聯嘅球隊唔會話東區係一隊差嘅球隊，我哋依家喺聯賽榜嘅中間，同時我諗我哋算係全港超最好嘅防線，就算唔係最好，我哋都執行緊我哋需要嘅戰術。」
面對傑志，他們兩循環都只輸一球，「如果無輸十二碼，傑志未必入到波或者贏我哋。」
經歷過無數傷患，他對裝備有自己的執著：「作為一個運動員，你會想知有咩服裝令你感到舒服。有啲人覺得呢間舒服，有啲人覺得嗰間舒服，但如果無競爭，就唔會有其他選項比我哋揀。」
華仙記述，第一次穿Zyphr的防滑襪，是因為「畀面朋友」：「自此之後，我就唔可以無Zyphr嘅襪，我唔係講笑。」後來，他甚至把品牌介紹給斯里蘭卡國家隊隊友。
對他而言，裝備不只是身外物，而是信念的一部分：「正如Zyphr口號『Dream Fearlessly』，我就係要盡力交出最佳表現，而無論係Pad，波襪等等所有裝備，都可以幫助我去提升我嘅表現。」
Zyphr對他而言，不只是產品，而是他人生精神Dream Fearlessly的延伸。
踏入31歲，記者問他會否有「三十而立」的焦慮。他笑言：「我只係過左30一年咋。」回望過去30年：有家庭阻力、錯失機會、傷患、跌落、重生，但華仙無怨恨，只有期待：「過去30年都有唔少高低齊跌，面對好多嘢，希望嚟緊30年可以有正面嘅結果，我永遠寄望未來會變得更好。」
裝備： @zyphr_apparel
攝： @fujimountxssg
————————————————
Instagram：Gongzuknaaphaam
Facebook : gongzuknaaphaam
Webpage：https://gongzuknaaphaam.com/
專訪東區斯里蘭卡國腳華仙
如果只看外表，你可能以為華仙是一位典型的南亞球員——效力過印度次級聯賽、斯里蘭卡國腳、亞洲足球圈熟悉的面孔。但華仙的故事不只是如此。他出生於德國柏林，在當地接受青訓，甚至曾入選德國U隊。他的足球旅程，從第一天開始就已經跨越文化、身份與期望。
在一個典型南亞家庭長大，足球並不是一條被鼓勵的道路，「當你嚟自一個保守嘅典型南亞家庭，佢哋會將焦點擺喺學業。對於足球佢哋成日話：『你唔好去禾夫斯堡踢波，唔好去賀芬咸、唔好去漢堡。』」當時，華仙在中學時曾被漢堡青訓教練、現任加納教練OttoAddo賞識，「佢同我講：『你一定要嚟，唔好諗咁多！』」但未成年下，華仙仍需要家人的同意，結果球會的一通電話讓家人發現一切，這段可能改變人生的機會就此消失。
去不成漢堡，華仙選擇了柏林聯。作為西柏林長大的孩子，他走進了很少移民會踏足的東邊：「好少移民會前往東德或者東柏林，但我就覺得『冇問題，我會做到嘅！』，之後就合埋對眼走去柏林聯。」憶述當時，華仙指自己是柏林聯青訓當中，第一個深膚色的年輕人。
在德國足球的技術環境中，他一步步向上爬——從青訓到二隊，再到跟一隊操練。終於在完成學業後與球隊簽約，但開季前最後一場比賽，華仙卻遇上前十字韌帶撕裂，需要休養十個月。傷癒後終於在作客卡爾斯魯的比賽中後備上陣，迎來德乙處子戰：「我絕對唔會忘記嗰個瞬間，大傷完之後我好緊張。」說着這句的時候，華仙臉上洋溢着驕傲的微笑。
但ACL並不是唯一一次傷患上的打擊，「以往我為德國U17效力，喺德國U17世界盃前2至3個星期前，我因為肩膀受傷而落選咗。」到2017年，在德國為品牌拍攝硬相時再度意外受傷，亦因而錯失加盟英甲巴拉福特的機會。
命運彷似在一次次地跟華仙開玩笑，每一次他向上攀升，傷患就將他拉回原點。被問到曾否覺得自己運氣不好，華仙淡然講到：「依家我咩都改變唔到，但我對於呢個旅程嘅經歷好感恩。」
離開德國後，他開始走上一條更遠的路——不是向上，而是向外。加入斯里蘭卡國家隊，成為第一批海外歸化的球員之一。當地球迷稱華仙為「教父（Godfather）」，甚至有人叫他「斯里蘭卡馬勒當拿」。但相比名號，他更在意的是能否把經驗傳給後輩：「我可以將經驗分享比我國家隊隊友，例如係依家效力德乙嘅甘馬堅希（Claudio Kammerknecht），佢會嚟問我攞意見，點樣處理特定狀況。之所以係咁，係因為我已經經歷過呢啲嘢。」
華仙曾經在對陣馬爾代夫的比賽中28分鐘內連入四球，帶領球隊從0:4中逼和對手。到最近亞洲盃外圍賽，斯里蘭卡更擊敗中華台北、土庫曼，作客泰國時僅以一球落敗。
「有唔少人認為我哋呢組係最難打嘅組別之一，當你比較10年前同依家嘅斯里蘭卡，我哋依家開始有競爭性。尤其當我哋只係以一球唔好彩嘅波輸比泰國，我哋嘅心態已經唔在一樣，我哋唔再驚任何人。」
從德國聯賽到印度落班，再到香港，有人會問：球員從歐洲到亞洲，是不是倒退？華仙交出一個直接的答案：「呢個好視乎每個球員嘅諗法，但對我嚟講，足球員生涯最多踢大約15年。喺呢15年，你可以決定係咪要以踢英超或者搵大錢為目標，或者環遊世界去接觸新文化同經驗。以我嘅故事嚟講，踏入亞洲絕對係一個好嘅決定。」
2023年，他來到香港加盟東區。途中雖然曾有港超邀約，但當聽到足球部主任高志超帶領東區升上港超的計劃，便決定留隊繼續前進。球隊升超後，華仙亦辭去原有教職，全職投入足球。
東區作為升班馬，14場僅失9球，是聯賽唯一失球為單數的球隊：「睇緊港超聯嘅球隊唔會話東區係一隊差嘅球隊，我哋依家喺聯賽榜嘅中間，同時我諗我哋算係全港超最好嘅防線，就算唔係最好，我哋都執行緊我哋需要嘅戰術。」
面對傑志，他們兩循環都只輸一球，「如果無輸十二碼，傑志未必入到波或者贏我哋。」
經歷過無數傷患，他對裝備有自己的執著：「作為一個運動員，你會想知有咩服裝令你感到舒服。有啲人覺得呢間舒服，有啲人覺得嗰間舒服，但如果無競爭，就唔會有其他選項比我哋揀。」
華仙記述，第一次穿Zyphr的防滑襪，是因為「畀面朋友」：「自此之後，我就唔可以無Zyphr嘅襪，我唔係講笑。」後來，他甚至把品牌介紹給斯里蘭卡國家隊隊友。
對他而言，裝備不只是身外物，而是信念的一部分：「正如Zyphr口號『Dream Fearlessly』，我就係要盡力交出最佳表現，而無論係Pad，波襪等等所有裝備，都可以幫助我去提升我嘅表現。」
Zyphr對他而言，不只是產品，而是他人生精神Dream Fearlessly的延伸。
踏入31歲，記者問他會否有「三十而立」的焦慮。他笑言：「我只係過左30一年咋。」回望過去30年：有家庭阻力、錯失機會、傷患、跌落、重生，但華仙無怨恨，只有期待：「過去30年都有唔少高低齊跌，面對好多嘢，希望嚟緊30年可以有正面嘅結果，我永遠寄望未來會變得更好。」
裝備： @zyphr_apparel
攝： @fujimountxssg
————————————————
Instagram：Gongzuknaaphaam
Facebook : gongzuknaaphaam
Webpage：https://gongzuknaaphaam.com/