港會吞東方五蛋注定包艇
球會正與足總討論去留 完季方有定案
港會主教練谷卓斯賽後訪問
港超聯賽事港會在第二循環最係一仗作客挑戰東方，最終吞五蛋落敗下以18戰得4分，宣布護級失敗注定包艇。賽後港會主教練谷卓斯表示球會正與足總商討去留，但仍需完季後才有結論。
「今季真係好艱難。球員值得讚賞，佢哋一直努力、一直嘗試，但我哋確實欠缺少少質素。我哋喺場上有啲細節處理得唔好，結果被對手捉到機會。但球員一直都係咁努力，呢點值得肯定。
如果你睇返港會過去六十年嘅浮浮沉沉，其實我哋喺最高級別一直都係好辛苦。今季係第一次完全跟足外援規例，對球隊係一個好大嘅轉變。我哋嘅本地球員好後生，仲學習緊成為職業球員。我哋唔係可以好似其他球會咁，去世界各地搵頂級球員。但如果要喺呢個級別競爭，球會喺引援方面一定要再提升。
今季我哋喺聯賽排包尾，按道理嚟講係應該降班嘅。但我覺得香港嘅足球生態同其他地方唔一樣。唔似英格蘭咁，有四個級別，全部球會都爭住升上英超，因為嗰度先有錢。港會可以提供嘅係長遠發展。我哋有好好嘅青訓，喺青訓排名通常都係名列前茅。U22聯賽我哋直頭係榜首。只係我哋一隊嘅頂層架構仲要再專業化。
球會同足總傾過，佢哋都知道我哋嘅立場。但據我理解，喺聯賽仲未完結之前，足總唔會作出最終決定。我哋會繼續同足總保持溝通。我哋希望講好我哋嘅故事，證明港會係想長期留喺香港足球圈。我哋有好嘅青訓、好多港隊青年代表球員，我哋相信自己係有嘢可以貢獻俾香港足球。
我哋只可以繼續努力。今日嘅結果令人失望，但我哋會接受失敗。仲有四場比賽，排名上已經無得再升，我哋會為尊嚴而戰，並保持專業。最後四場，我哋會盡力做到最好。」
文、攝、設：@fujimountxssg
————————————————
Instagram：Gongzuknaaphaam
Facebook : gongzuknaaphaam
Webpage：https://gongzuknaaphaam.com/
球會正與足總討論去留 完季方有定案
港會主教練谷卓斯賽後訪問
港超聯賽事港會在第二循環最係一仗作客挑戰東方，最終吞五蛋落敗下以18戰得4分，宣布護級失敗注定包艇。賽後港會主教練谷卓斯表示球會正與足總商討去留，但仍需完季後才有結論。
「今季真係好艱難。球員值得讚賞，佢哋一直努力、一直嘗試，但我哋確實欠缺少少質素。我哋喺場上有啲細節處理得唔好，結果被對手捉到機會。但球員一直都係咁努力，呢點值得肯定。
如果你睇返港會過去六十年嘅浮浮沉沉，其實我哋喺最高級別一直都係好辛苦。今季係第一次完全跟足外援規例，對球隊係一個好大嘅轉變。我哋嘅本地球員好後生，仲學習緊成為職業球員。我哋唔係可以好似其他球會咁，去世界各地搵頂級球員。但如果要喺呢個級別競爭，球會喺引援方面一定要再提升。
今季我哋喺聯賽排包尾，按道理嚟講係應該降班嘅。但我覺得香港嘅足球生態同其他地方唔一樣。唔似英格蘭咁，有四個級別，全部球會都爭住升上英超，因為嗰度先有錢。港會可以提供嘅係長遠發展。我哋有好好嘅青訓，喺青訓排名通常都係名列前茅。U22聯賽我哋直頭係榜首。只係我哋一隊嘅頂層架構仲要再專業化。
球會同足總傾過，佢哋都知道我哋嘅立場。但據我理解，喺聯賽仲未完結之前，足總唔會作出最終決定。我哋會繼續同足總保持溝通。我哋希望講好我哋嘅故事，證明港會係想長期留喺香港足球圈。我哋有好嘅青訓、好多港隊青年代表球員，我哋相信自己係有嘢可以貢獻俾香港足球。
我哋只可以繼續努力。今日嘅結果令人失望，但我哋會接受失敗。仲有四場比賽，排名上已經無得再升，我哋會為尊嚴而戰，並保持專業。最後四場，我哋會盡力做到最好。」
文、攝、設：@fujimountxssg
————————————————
Instagram：Gongzuknaaphaam
Facebook : gongzuknaaphaam
Webpage：https://gongzuknaaphaam.com/