一場178天x120公里的夢 何文輝
「唉，唔識講，即係自己成季好難得一個機會，但自己……嗰球罰球爭少少就係嗰少少，最後就輸一比零，唔識講，有啲唔開心囉。」
夢想的價值難以量化；但為追夢付出的汗水，也許可以。隻身從澳門來港，追尋一場職業足球員的夢，加盟大埔第178天，終於迎來第二場上陣機會。縱使在兩場比賽只失一球，這球仍足以終止大埔在聯賽盃的征途。球證鳴笛後已逾十分鐘，也聽畢教練李志堅的賽後講話，此刻受訪的何文輝眼神閃爍着不甘，似乎仍未消化到這場敗仗。
「上一場贏咗（港會），晉級之後都知道係有機會。自己都好努力，等機會囉其實，龍門呢個位咁特殊，唔會輕易換。其實自己由澳門轉戰過嚟，真係要等機會。」「阿輝」每天花四小時、橫越120公里往返港澳。「你話辛唔辛苦，都辛苦；但我enjoy囉，為足球付出係咁。」
除了應付大埔的訓練，亦要教波，他坦言「每日都對住足球」，犧牲得最多的是陪家人的時間，「好多謝佢哋一直嘅支持，我呢個年紀（32歲）仲去追夢，想踏出一步去做職業球員，佢哋都冇話啲咩，好支持，所以先行到嚟呢一步。」澳門的足球土壤困難重重，他勸勉有意外流的後輩：「要畀心機啦，同埋個付出要好大，好多嘢要犧牲，同埋決心好大。除非你仲係學生，仲可以過嚟追夢，但如果你畢咗業，要諗係咪真係想做職業球員－－真係想做，付出嘅努力就要好大。」
上個月以隊長身份為澳門出戰粵澳盃的何文輝，月底將隨代表隊遠赴盧旺達出戰FIFA Series，將與北美洲的阿魯巴、歐洲的列支敦士登或非洲的坦桑尼亞交手，也是澳門自去年三月友賽港隊後第一次出戰國際賽。阿輝認為幾特別，「過往都係對返亞洲球隊，如果對非洲球隊都有啲期待，都係一個挑戰，人哋都高大、有身體素質。」
「唉，唔識講，即係自己成季好難得一個機會，但自己……嗰球罰球爭少少就係嗰少少，最後就輸一比零，唔識講，有啲唔開心囉。」
夢想的價值難以量化；但為追夢付出的汗水，也許可以。隻身從澳門來港，追尋一場職業足球員的夢，加盟大埔第178天，終於迎來第二場上陣機會。縱使在兩場比賽只失一球，這球仍足以終止大埔在聯賽盃的征途。球證鳴笛後已逾十分鐘，也聽畢教練李志堅的賽後講話，此刻受訪的何文輝眼神閃爍着不甘，似乎仍未消化到這場敗仗。
「上一場贏咗（港會），晉級之後都知道係有機會。自己都好努力，等機會囉其實，龍門呢個位咁特殊，唔會輕易換。其實自己由澳門轉戰過嚟，真係要等機會。」「阿輝」每天花四小時、橫越120公里往返港澳。「你話辛唔辛苦，都辛苦；但我enjoy囉，為足球付出係咁。」
除了應付大埔的訓練，亦要教波，他坦言「每日都對住足球」，犧牲得最多的是陪家人的時間，「好多謝佢哋一直嘅支持，我呢個年紀（32歲）仲去追夢，想踏出一步去做職業球員，佢哋都冇話啲咩，好支持，所以先行到嚟呢一步。」澳門的足球土壤困難重重，他勸勉有意外流的後輩：「要畀心機啦，同埋個付出要好大，好多嘢要犧牲，同埋決心好大。除非你仲係學生，仲可以過嚟追夢，但如果你畢咗業，要諗係咪真係想做職業球員－－真係想做，付出嘅努力就要好大。」
上個月以隊長身份為澳門出戰粵澳盃的何文輝，月底將隨代表隊遠赴盧旺達出戰FIFA Series，將與北美洲的阿魯巴、歐洲的列支敦士登或非洲的坦桑尼亞交手，也是澳門自去年三月友賽港隊後第一次出戰國際賽。阿輝認為幾特別，「過往都係對返亞洲球隊，如果對非洲球隊都有啲期待，都係一個挑戰，人哋都高大、有身體素質。」